Kryetari i Partisë Demokratike të Kosovës, Kadri Veseli, ka thënë se është në gjendje të mirë shëndetësore pas infektimit me COVID-19.
Veseli përmes një postimi në rrjetin social Facebook shkruan se deri sa të shërohet plotësisht ai do të jetë në vetizolim.
“Të dashur qytetarë. Ju falënderoj nga zemra për kujdesin dhe mesazhet inkurajuese që po më dërgoni këto ditë gjatë ballafaqimit me covid-19. Dua të ju informoj se unë jam shumë mirë me shëndet dhe deri në shërim të plotë do të qëndroj në vetizolim”, shkruan Veseli.
Tutje ai ka thënë se “ mezi po pres të rikthehem në aktivitete dhe shumë punë të mira në Partinë Demokratike të Kosovës.
“Ju ftoj të gjithëve që të bëni shumë kujdes, t’i respektoni masat, t’i vendosni maskat, të mbani distancën dhe higjienën”.
Ndërkohë deri më tani nurmi i të infektuarve me Covid ka shkuar në 7 652 të infektuar mes të cilëve 192 kanë humbur jetën.
