Bruno Dita ka lënë skuadrën e Skënderbeut dhe ka firmosur me Shkëndijën e Tetovës.
Për lojtarin kishin shfaqur interes edhe Tirana e Partizani, me të kuqtë që tentuan deri në fund të tundonin 27-vjeçarin, por mesfushori e kishte bërë zgjedhjen e tij për t’iu bashkuar kuqezinjve nga Tetova.
Ashtu siç raporton “Supersport”, gjithçka ka marrë përmasa zyrtare dhe futbollisti do t’i bashkohet klubit të ri menjëherë pas ndeshjes Skënderbeu-Partizani që luhet ditën e nesërme.
Në këtë mënyrë numri 22 i thotë lamtumirë Skënderbeut pas 3 sezonesh, ku ia doli të shpallej kampion i Shqipërisë në vitin 2018, duke fituar edhe Kupën, teksa në 103 ndeshje realizoi 14 gola.
