Interi ka mundur 2-0 Napolin duke rimarrë vendin e dytë nga Atalanta. Edhe pse në pjesën e parë në fushë thuajse u pa vetëm skuadra axurre, D’Ambrosio gjeti rrjetën për vendasit me një aksion të bukur dhe gabimin e Hysa-jt në pozicionim.
Elmas, Insigne dhe Politano iu afruan barazimit për djemtë e Gattusos por pa rezultat.
Sakaq, Lukaku dhe Koulibaly patën një duel të ndezur dhe mbrojtësi i Napolit doli fitues. Edhe në pjesën e dytë, pavarësisht se nuk sulmoi aq sa duhej, Interi u mbrojt dhe menaxhoi mirë, deri sa Lautaro gjeti golin e dytë dhe atë që vulosi sfidën. Ky ishte goli i dytë i argjentinasit në 10-të ndeshjet e fundit një statistikë tepër negative sidomos duke parë formën e jashtëzakonshme me të cilën nisi sezonin.
Napoli luajti në sulm dhe krijoi, por mungoi cinizmi dhe ajo grinta e famshme.
