Në 24 orët e fundit kanë humbur jetën si pasojë e Covid-19, edhe 4 qytetarë, duke e çuar në 138 numrin e vdekjeve nga koronavirusi në Shqipëri.
Sipas një informacioni zyrtar nga Ministria e Shëndetësisë, pacientët që kanë humbur jetën ndodheshin të shtruar në spitalin Covid2 ‘Shefqet Ndroqi’.
Viktimat janë një 51 vjeçar nga Dibra, një 62 vjeçare nga Tirana, një 68 vjeçar nga Shkodra, dhe një 73 vjeçar nga Tirana, më sëmundje bashkëshoqëruese.
Aktualisht në spitalin Infektiv dhe spitalin ‘Shefqet Ndroqi’ po trajtohen 112 pacientë, 19 janë në terapi intensive dhe 7 pacientë janë të intubuar.
Referuar shifrave, nga 138 persona që kanë humbur jetën, 72 janë në qarkun e Tiranës dhe pas asaj vjen Shkodra me 21 të vdekur.
