Në 24 orët e fundit u zbuluan 126 raste të reja me koronavirus në Shqipëri, 9 prej të cilave ishin në Kavajë.
Mësohet se rastet në këtë bashki janë në dy familje, që konsiderohen vatra të reja, për të cilat ka nisur hetimi epidemiologjik.
Ndërkohë 4 personat e tjerë të infektuar janë raste të kontakteve të mëparshme.
Ministria e Shëndetësisë deklaroi se ka kryer 503 teste, ndër shifrat më të larta të testimeve të realizuara nga ISHP, ndërsa janë konfirmuar 126 pacientë me Covid-19, numri më i lartë i të prekurve në 24 orë që prej shfaqjes së pandemisë në Shqipëri.
