Napoli është kthyer te fitorja në kampionat pasi ka mundur 2-0 në shtëpi Sassuolo-n në javën e 36-të të Serisë A.
Skuadra e Gatuso-s ka siguruar tri pikët falë golit të mrekullueshëm të shënuar nga kuqeziu Elseid Hysaj në minutën e tetë të ndeshjes.
Me përjashtim të portierëve, Hysaj ishte lojtari me shumë ndeshje të luajtura në Serinë A (188) pa shënuar gol.
Në fundin e sfidës, Napoli ka shënuar edhe golin e dytë me Allan.
I pafat Sassuolo që ka parë t’i anulohen plot katër gola në San Paolo, një nga anësori dhe tre nga VAR për pozicion jashtë loje.
