Situata e koronavirusit në Shqipëri vijon e përkeqësohet, ndërsa sot janë konfirmuar 104 raste të reja, edhe pse ka pasur një numër të lartë testesh krahasuar me muajt e fundit.
Aktualisht në spitalin Infektiv dhe spitalin “Shefqet Ndroqi” po trajtohen 124 pacientë, 2 pacientë më pak se dje, por 21 pacientë janë në terapi intensive dhe 11 pacientë janë të intubuar.
Ndërkohë sot u raportuan 5 humbje jete, shifra më e lartë në Shqipëri që nga dita e shfaqjes së pandemisë Covid-19.
Në total që nga fillimi i pandemisë kanë humbur jetën si pasojë e Covid-19, 128 pacientë. Ndërkohë numri i rasteve aktive me Covid-19 ka shkuar në 1834, ku 962 janë në Tiranë.
Gjithashtu kryeqyteti ka edhe numrin më të lartë të pacientëve që kanë humbur jetën që nga fillimi i pandemisë.
