Ministria e Shëndetësisë deklaroi sot zbulimin e 108 rasteve të reja me Covid-19 nga 564 teste të kryera. Referuar shifrave zyrtare, 9 raste të reja janë konfirmuar në Fier.
Mësohet se rastet janë kontakte të personave të prekur më parë.
4 prej rasteve janë kontakte të punonjësve të ADISA dhe Kadastrës, që kanë rezultuar më parë si pozitivë ndaj koronavirusit.
Mësohet se një çift të moshuarish në lagjen 15 Tetori kanë rezultuar pozitiv pas marrjes së tamponit, një mësues në lagjen Kastrioti në Fier dhe dy persona të tjerë në sektorin privat në lagjen Konferenca e Pezes janë infektuar nga të afërm të tyre.
Referuar shifrave duket se institucionet në Fier janë kthyer në vatra për përhapjen e Covid-19.
