Monika Kryemadhi, kryetare e LSI-së, ka shprehur dakordësinë për hapjen e listave 100%.
“Askush, përfshirë dhe kryetarët të mos i fshihen gjykimit të popullit”, shkruan Kryemadhi në një postim në rrjetet sociale.
Sipas saj, është koha për ndryshim cilësor që fuqizon zërin e qytetarëve dhe jep shpresë për ndërtimin e të ardhmes në Shqipëri, si një shtëpi e të gjithë shqiptarëve.
Reagimi i Kryemadhit vjen pasi Partia Socialiste në Këshillin Politik i ka kërkuar opozitës së bashkuar që të paraqesë nismën në Kuvend përmes 28 deputetëve.
Ndërkohë, Kryeministri Edi Rama në reagimin e tij të parë pas paraqitjes së propozimit, shprehet se ai do të diskutohet pas 30 korrikut, datë kur Kuvendi pritet të kalojë për votim ndryshimet Kushtetuese.
