Ditën e sotme luhen pesë ndeshje që përkojnë me javën e parafundit të Kategorisë Superiore.
Sot mund të vendoset skuadra që do të luajë në “play out” kundër fituesit të çiftit Besëlidhja-Pogradeci. Teksa skuadra që rrezikon më shumë është Vllaznia.
Shkodranët kanë një ndeshje mjaft të vështirë teksa luajnë në transfertë kundër Partizanit, që sot gjithashtu kërkon fitoren për të mos rrezikuar vetë vendin e tetë. Partizani-Vllaznia luhet në orën, 17:45.
Një ndeshje mjaft e rëndësishme është ajo mes Bylis-it dhe Luftëtarit. Ballshiotëve nuk u falet rezultat tjetër veç fitores me Luftëtarin e rënë nga Superiorja, ndërkohë që presin që të ngecë Vllaznia e të jenë të qetë në javën e fundit. Sot luhet edhe për Europën.
Teuta, me Skënderbeun të dënuar, mjafton të mposhtë Flamurtarin dhe kualifikimin në Europë e ka në xhep. Një ndeshje e rëndësishme luhet edhe në Laç, aty ku vendasit përballen me kampionët e Tiranës.
Skuadra e drejtuar nga Armando Cungu e ka siguruar pjesëmarrjen në Europa League, por dëshiron vendin e tretë, që është një fitore larg. Një motiv më shumë për të fituar ndaj Tiranës ditën e sotme.
Raundi i 35-të i Superiores mbyllet me takimin e orës 20:45 mes Kukësit dhe Skënderbeut. Një ndeshje prestigji, që verilindorëve u siguron vendin e dytë, kurse korçarët, edhe pse të dënuar, e duan në renditje një vend që të çon në Europë.
Kategoria Superiore, java e 35-të:
Ora 17:45
Laçi- Tirana
Flamurtari-Teuta
Partizani Vllaznia
Bylis-Luftëtari
Ora 20:45
Kukësi-Vllaznia
