Oerd Bylykbashi, përfaqësues i PD-së në Këshillin Politik, tha se presim që mazhoranca të reflektojë mbi propozimin e Opozitës së Bashkuar për hapjen e listave 100 %.
Bylykbashi tha se kjo është një çështje që duhet të diskutohet dhe dakordësohet në Këshillin Politik, sikundër kanë kërkuar edhe ndërkombëtarët.
“Kërkesa e Ramës për hapjen e listave është një farsë dhe justifikim, në funksion të këtij qëllimi që të ndryshojë rregullat e garës së kundërshtarëve të tij.
Ne kërkuam pozicionimin politik të përfaqësuesit të maxhorancës nëse ishte për hapjen 100 për qind të listave dhe ai refuzoi në mënyrë kategorike që ta bënte këtë, edhe pse i dhamë modelet në Europë ku funksionon.
Dhe këtu mund të përmend modelin që përdoret në Belgjikë, Hollandë, Danimarkë, Letoni, Italia, por edhe në Greqi ku është aplikuar.
Këto janë modelet nga ku i kemi marrë prej 17 vitesh.
Nëse maxhorancës nuk i duken modele, është e qartë e gjitha kjo është një përpjekje e Edi Ramës për të vrarë partitë poltikë për të garuar në liri të plotë.
Në presim nga maxhoranca që të reflektojë.
Kjo është një çështje e Këshillit Politik, siç thanë ndërkombëtarët, që duhet të ketë trasnperacë dhe sa kohë nuk prek marrëvëshjen e 5 qershorit”, tha Bylykbashi.
Ndërsa Petrit Vasili, përfaqësues i LSI, tha se sot Edi Rama tregoi se nuk kërkon hapjen e listave, por pengimin e koalicioneve.
“Z. Gjiknuri na thotë sot se duhet të depozitojmë 28 firma për ndryshimet Kushtetuese, duke treguar se e gjithë këmbëngulja e Ramës për hapjen e listave është një farsë”, tha Vasili.
Sipas tij, ky propozim i opozitës së bashkuar i është dhënë edhe faktorit ndërkombëtar, që ata të njohin se Edi Rama nuk e ka hallin te listat e hapura, por sesi të shkatërrojë zgjedhjet.
“Edi Rama ka tmerr koalicionet dhe e si që humbja e tij në zgjedhje është dita e gjykimit për të”, tha Vasili.
Sipas tij, Kushtetuta po bëhet copa copa për 6 ditë, ndërkoh për Kodin Zgjedhor na u deshën 6 muaj.
