Pas Tiranës, Kavaja dhe Durrësi rezultuan si qytetet me më shumë raste në përditësimin e të dhënave nga Ministria e Shëndetësisë.
Referuar të dhënave, në dy qytetet janë numëruar 22 raste, 11 për secilin qytet.
Në Durrës janë regjistruar disa vatra të reja, të cilat nuk dihet nga janë infektuar, ndërsa vijon hetimi epidemiologjik.
Pjesa tjetër mësohet se janë infektuar nga kontaktet në punë.
Ndërsa në Kavajë janë dy pjesëtarë të së njëjtës familje, ndërsa nëntë të tjerët mësohet se janë kontakte.
Përsa i përket rastit në Tepelenë, dyshohet se i infektuari, i cili punon në një karburant, është infektuar në një dasmë në Tiranë.
Ndërkohë qyteti i Gjirokastrës ditën e sotme nuk ka shënuar asnjë të prekur me COVID-19.
