Tensione mes SHBA dhe Kinës, Uashingtoni: Mbyllni konsullatën në Hjuston

Shtetet e Bashkuara të Amerikës urdhërojnë Kinën të mbyllë konsullatën e saj në Hjuston të Teksasit.

Vendimi erdhi nga Departamenti i Shtetit që thekson se është ndërmarrë për të mbrojtur “pronën intelektuale Amerikane”.

Një ditë më parë disa zyrtarë të konsullatës u panë teksa digjnin disa dokumente në kopshtin e selisë diplomatike.

Uashingtoni i ka dhënë afat Pekinit deri të premten për ta përmbushur këtë kërkesë. I menjëhershëm ishte dhe reagimi i Kinës që e konsideroi vendimin një “provokim politik” të pajustifikuar.

LEXO EDHE  Aksidenti në Tapizë-Thumanë, i riu sillet me urgjencë në Tiranë! Emri

Tensionet mes dyja vendeve janë përshkallëzuar kohët e të fundit. Presidenti amerikan, Donald Trump vazhdimisht ka akuzuar Kinën për marrëveshje të njëanshme tregtare dhe së fundmi për pandeminë koronavirus.

Të martën, Departamenti Amerikan i Drejtësisë akuzoi Kinën për mbështetje të sulmeve kibernetike ndaj laboratorëve që zhvillojnë vaksina kundër Covid-19. Megjithatë Pekini zyrtar ka mohuar akuzat.