Pritet të largohet nga Skënderbeu, dy klube të Superligës në “luftë” për Ilir Dajën

Kukësi ka nisur të mendojë që tani për trajnerin e ri. Me humbjen e titullit kampion dhe eliminimi nga Kupa kanë bërë që drejtuesit të vendosin për largimin e Orges Shehit.

Tekniku durrsak u afruar te verilindorët pas largimit të Shpëtim Duros dhe objektivi ishte i qartë, të fitonte titullin ose minimum Kupën e Shqipërisë. Kukësi do ta mbyll pa asnjë trofe këtë sezon dhe largimi i Shehit duket i sigurt. Drejtuesit kërkojnë të firmosin me Ilir Dajën dhe prej disa ditësh kanë nisur kontaktet me trajnerin e Skënderbeut.

“Panorama Sport” bën me dije se Daja ka refuzuar kalimin te Kukësi pasi ka arritur një akord me Partizanin. Nëse do të konfirmohet dënimi i Skënderbeut, tekniku 53-vjeçar do të largohet për të nisur një cikël të ri te të kuqtë.

LEXO EDHE  Kupa e Gjermanisë/ Kualifikohen Dortmund dhe Leipzig, eliminohet Schalke

Mësohet se kontrata pritet të jetë 3 vjeçare dhe Daja do të marrë me vete të gjithë stafin e tij. Bllokimi i merkatos së Partizanit mund të sjell një kthesë të papritur në merkato dhe për këtë arsye Kukësi tenton të bind Dajën, por ky i fundit duket se dëshiron Partizanin.