“Doktori” drejtonte sektin që rekrutonte femra të elitës/ Ja si funksiononte

Policia e qytetit italian të Novarës zbuloi një sekt, i cili vepronte në të gjithë Italinë për më shumë se 30 vjet.

Në krye të sektit, viktimat e të cilit ishin kryesisht gra dhe vajza të reja, ishte një burrë 77-vjeçar, i cili quhej “Doktori” e që trajtohej si hyjni.

Anëtarët e sektit iu nënshtruan dhunës seksuale, në mënyrë që, siç u kishte predikuar udhëheqësi (Doktori), “t’u ndizte flakën e brendshme” dhe t’i nënshtroheshin plotësisht asaj.

“Doktori” arriti të izolojë plotësisht disa gra edhe nga familjet e tyre, raportojnë mediat.

Vajzat dhe gratë e reja u zgjodhën nga familje të mira. Sekti gjithashtu merrej me “pastrim parash”.

LEXO EDHE  SHBA heq vizat për kroatët, nga 23 tetori udhëtojnë lirisht drejt Amerikës

Udhëheqësi vendoste për anëtarët me të cilët mund të dilnin, çfarë të bënin, dhe ai vetë zgjodhi se me cilën viktimë do të argëtohej.

Policia zbuloi se drejtuesi kishte 26 bashkëpunëtorë, dhe se profesionistë të tillë si disa psikoterapistë, pronarë të dy shkollave të baletit, pronarë të dyqaneve artizanale dhe të tjerë, gjithashtu morën pjesë në tërheqjen e anëtarëve.

Sipas policisë, edhe vajzat e nivelit të lartë kulturor tërhiqeshin në sekt, nëse udhëheqësi i vlerësonte si objektiva.

“Askush nuk mund të jetë i sigurt se nuk do të përfshihej në sekt”, dëshmoi vajza, e cila çoi në zbulimin e sektit.