Delegacioni i Bashkimit Europian në Tiranë i ka dhuruar Ministrisë së Shëndetësisë mjete dhe aparatura për luftën kundër koronavirusit, pjesë e paketës së ndihmës që BE i ka akorduar Shqipërisë.
Ambasadori Luigi Soreca tha se vlera e pajisjeve shkon në 650 mijë euro dhe se në të ardhmen BE do të ndihmojë sërish Shqipërinë.
Soreca ka postuar në rrjet njoftimin, ku gjithashtu ka reaguar këshilltari i CDU-së gjermane, Martin Henze. Ndërsa përgëzon nismën e BE-së, Henze akuzon qeverisjen e kryeministrit Rama si shkaktar i përhapjes së koronavirusit.
“Ambasador, është e mahnitshme ajo që ata thonë. Përhapja e virusit u shkaktua nga mosveprimi i qeverisë Rama. Asnjë kontroll i fortë pandemik, për 7 muaj, në vend të kësaj tanke dhe makina policie.
Maskat filluan të përdoreshin vetëm nga mesi i korrikut, vështirë ndonjë test i decentralizuar. Shqipëria nuk është problemi”, shkruan Henze.
Ambassador,it’s amazing what they’re saying.The spread of the virus was caused by the inaction of the Rama government. No solid pandemic control, 7months, instead tanks and police cars. Mouthguards only since mid-July, hardly any decentralized testing,the Al are not the problem pic.twitter.com/dyieYF992e
— Martin Henze (@GSKStrategy) July 20, 2020
