Partia Demokratike ka përmbyllur procesin e propozimeve të kandidatëve për deputet në degën e Sarandës dhe Delvinës, ndërkohë që në rang kombëtar raportohet se procesi është përmbyllur në rreth 90 % të tij.
Nga të dhënat mësohet se nga demokratët e Sarandës janë propozuar disa emra, por lista kryesohet nga Kreshnik Bozho dhe Jolio Dine.
Gjithashtu emra të propozuar nga dega e Sarandës janë edhe Nada Mecorapaj, Dashamir Tahiri, Liljana Elmazi, Leonard Demi apo Besnik Aliaj.
Ndërkohë dega e Delvinës ka propozuar si kandidatë për deputet Ndiçim Mehmetin dhe Etleva Merkon.
Gjiithashtu nga strukturat e PD janë propozuar edhe emra të mundshëm që mund të garojnë për kryetar bashkie në zgjedhjet lokale.
Emrat e propozuar janë Lina Vaso, Arben Guga, Gentjan Zera e Armando Magllara.
Emrat që propozohen nga strukturat e bazës kalojnë në një filtër të komisionit përkatës, në të cilin pritet të bëjnë pjesë personalitete të PD-së.
Më pas emrat e filtruar i nënshtrohen një votimit nga anëtarësia dhe më pas janë strukturat drejtuese, Kryesia dhe Këshilli Kombëtar që formalizojnë listën përfundimtare.
Mendohet që i gjithë procesi i përzgjedhjes së kandidatëve të përmbyllet brenda muajit shtator.
