Gjatë 24 orëve të fundit ka një shtim të rasteve që kërkojnë ndihmë spitalore për shkak të koronavirusit.
Ndonëse sot u deklaruan zyrtarisht 82 raste, 20 më pak se një ditë më parë, ka pasur një shtim të pacientëve të shtruar në spitalet Covid dhe Covid1, përkatësisht Infektiv dhe “Shefqet Ndroqi”.
Referuar shifrave zyrtare, 13 persona janë shtruar në spitale, ndërkohë që ka një përkeqësim të rasteve në terapi intensive.
“Aktualisht në dy spitalet COVID, në spitalin Infektiv dhe spitalin “Shefqet Ndroqi” po trajtohen 123 pacientë, 17 në terapi intensive dhe 1 pacient është i intubuar”, thuhet në deklaratën zyrtare të Ministrisë së Shëndetësisë.
Një ditë më parë u raportua se në spitale ishin 110 pacientë të shtruar, 14 në terapi intensive dhe 1 i intubuar.
