Gjykata e Gjirokastrës vendosi masën e sigurisë “arrest me burg” për të akuzuarin për vrasje Paris Xhihani. Nga provat materiale të grumbulluara në vendngjarje si dhe nga videot e siguruara nga grupi hetimor, Xhihani akuzohet si autor i vrasjes me sende të forta të shtetasit Gjergj Almasi, ngjarje e ndodhur dy ditë më parë në lagjen “Zinxhira”.
Prokurori i çështjes Julijan Çafka ka paraqitur prova sipas tij të pakundërshtueshme të momentit të vrasjes së 35-vjecarit Almasi nga ana e Xhihanit.
Por avokati Shpëtim Meçi ka kërkuar një “masë sigurimi” më të lehtësuar. Në përfundim të seancës, gjyqtarja Blerta Çibuku la në fuqi kërkesën e prokurorit për Xhihanin dhe bashkëpunëtorin e tij në këtë ngjarje, Andon Ahmeti.
Ndërkohë gjyqtarja vendosi detyrim paraqitjeje për dy adoleshentët Niko Xhihani dhe Vasil Mehmeti, të cilët nuk kallzuan krimin. Kjo masë sigurimi për ta u dha për shkak të moshës së mitur.
