Një tjetër viktimë e koronavirusit është regjistruar sot në Kosovë. Njoftohet se një grua ka humbur jetën në komunën e Drenasit.
Lajmin e ka dhënë kryetari i komunës, Ramiz Lladrovci përmes një postimi në rrjetet sociale. Ky është rasti i dytë fatal në këtë komunë.
Postimi i plotë i Lladrovcit:
Të dashur qytetarë,
Sot, me dhimbje pranuam njoftimin nga ShSKUK, se nga komuna jonë, ka vdekur një qytetare e infektuar me covid-19.
Familjes Rrukiqi dhe miqve të saj i shpreh ngushëllimet më të sinqerta.
Ky është rasti i dytë i vdekjes së të infektuarve në komunën tonë dhe shpresojmë që të jenë të fundit në këtë betejë me virusin.
Ju lutëm të respektoni masat e nivelit qendror dhe rekomandimet e IKSHP-së.
Mbroni shëndetin tuaj, të familjes dhe shëndetin publik.
