Ditën e hënë luhet supersfida mes Juventusit dhe Lazios, e vlefshme për javën e 34-t të Serisë A. Do të jetë një sfidë e rëndësishme për disa arsye. Dy skuadrat për një pjesë të mirë të sezonit kanë rivalizuar njëra-tjetrën në distancë për sa i përket titullit kampion ndërsa një fitore e bardhëkaltërve mund të hapë edhe garën për titullin kampion.
Ashtu siç raportojnë mediat italiane kjo do të jetë një sfidë përcaktuese për trajnerin Maurizzio Sarri skuadra e të cilit ka shfaqur dobësi në javët e fundit. Juventusi në dy ndeshjet e fundit ka marrë vetëm dy pikë dhe ka pësuar plot 9 gola.
“Sportmediaset” zbulon planin e bujshëm të klubit italian, gjithmonë nëse Lazio triumfon në “Allianz Stadium”. Sarri do të shkarkohej dhe në vend të tij mund të ulet Andrea Pirlo.
Ish-mesfushori i madh italian, po përgatitet të nisë karrierën e trajnerit. Telefonatën e president Agnellit nuk mund ta refuzojë dhe, duke llogaritur që nuk ka eksperiencë në stol, ai do të ndihmohej nga Gigi Buffon, i cili do të mbajë postin e dyfishtë: portier dhe zëvendës trajner.
