Ekspertët e shëndetit në SHBA po flasin për një tjetër simptomë të COVID-19, e përhapur kryesisht te të rinjtë.
Temperatura dhe ethet kanë qenë më të zakonshmet, ndërsa tani vihet re se të infektuarit me koronavirus nën moshën 35 vjeç, kanë më shumë të ngjarë të shfaqin simptoma si dhimbje barku dhe koke.
“Spektri i simptomave vazhdon të zgjerohet dhe kështu të rinjtë shpesh shfaqen me dhimbje koke me barku,” tha Dr. William Schaffner, mjek dhe profesor i Sëmundjeve Infektive në Universitetin Vanderbilt, në Nashville – Tennessee.
Simptomat e tjera të Covid-19 të cilat po vihen re nga mjekët janë: të vjella dhe diarre. Humbja e nuhatjes dhe e shijimit është gjithashtu një tjetër simptomë e përhapur.
