Sanksione kundër Kinës për veprimet shtypëse ndaj Hong Kong. Donald Trump konfirmoi vendimin gjatë një konference për shtyp në kopshtin e Shtëpisë së Bardhë.
Presidenti amerikan theksoi se nuk do të ketë asnjë privilegj për Hong Kong, asnjë trajtim ekomomik special apo eksport teknologjie. Më tej duke folur për Huawei, ai lavdëroi vendimin e Britanisë së Madhe për të bllokuar rrjetin 5G të kolosit kinez, duke shtuar se ishte merita e tij pasi kishte bindur shumë vende të vepronin kështu
Por kritikat ndaj Kinës si mallkim i koronavirusit për të cilin është përgjegjës absolut, u transformuan shumë shpejt në një sulm të ashpër ndaj rivalit politik Joe Biden, të cilin sondazhet e nxjerrin në avantazh në shumë shtete.
Kreu i shtëpisë së bardhë e akuzoi shumë herë se ka qenë shumë mik me Pekinin në kohën kur ishte zëvendës president i vendit. Me një qasje të gabuar sipas tij që i ka lejuar Kinës të spiunojë Shtetet e Bashkuara të Amerikës, të vjedhe dhe të mashtrojë: Por për fat tashmë jam unë këtu sepse jam zgjedhur për t’i dhën fund të gjithë kësaj, shton Trump.
Fjalimi shumë i gjatë, shpejt u transformua në një takim elektoral ku presidenti amerikan shpalosi repertorin e tij më të mirë, deri në një pikë që rrjetet televizive progresiste si Cnn dhe MSNBC, shkëputën lidhjen për të mos i dhënë më shikueshmëri.
Sipas faktit që Shtetet e Bashkuara të Amerikës nuk duken në gjendje të menaxhojnë një virus aktualisht jashtë kontrollit, Trump thotë që faji është i demokratëve. Por dhe i shtypit të lirë pasi sipas presidentit amerikan, nëse mediat do të bënin detyrën e tyre do të ishte fantastike pasi njerëzit do të përballeshin me lajme të vërteta
Për sa i përket sondazheve të cilat favorizojnë demokratin Biden, Trump ndihet optimist kur kujton se si sondazhet gabuan 4 vite më parëkur përballë tij ishte ish sekretarja amerikane e shtetit Hilary Clinton.
