Gjashtë tifozë nga Durrësi, janë proceduar penalisht nga policia, pasi kanë dëmtuar stolat e stadiumit “Loro Boriçi’ në Shkodër.
Sipas policisë bëhet fjalë për shtetasit, E. N., G. S., S. K., F. M., B. G. dhe L. L. të cilët akuzohen për veprat penale “Shkatërrimi i pronës” dhe “Veprime të dhunshme në aktivitetet sportive”.
Ngjarja ka ndodhur më 12 prill 2026, në përfundim të ndeshjes së futbollit mes Vllaznisë dhe Teutës.
Sipas Policisë, të rinjtë kanë dëmtuar disa stola në tribunat E4 dhe E5 dhe më pas i kanë hedhur ato në ambientet e brendshme të fushës.
Materialet procedurale i janë referuar Prokurorisë për veprime të mëtejshme.
