Disa automjete janë përfshirë në një aksident pak pas mesnate në afërsi të parkut “Rinia”, pranë varrezave të Dëshmorëve në qytetin e Elbasanit.
Një automjet tip “Toyota” është goditur nga një mjet tip “Ford’ me targa AA 835 ZS, i cili udhëtonte me shpejtësi marramendëse mes për mes qendrës së banuar në këtë zonë.
Automjeti “Ford” në përpjekje për të shmangur aksidentin ka goditur 2 automjete anës rrugës, të cilat kanë qenë të parkuara
Në aksident janë përfshirë 4 automjete, 2 në lëvizje dhe 2 të parkuara.
Në automjetin tip “Ford” që udhëtonte me shpejtësi të lartë ka mbetur i plagosur drejtuesi i saj si dhe një vajzë që ishte pasagjere në mjet.
Ata janë dërguar në spitalin Kirurgjik të Elbasanit dhe pasi kanë marrë ndihmën e mjekëve, ndodhen jashtë rrezikut për jetën.
