Operacioni Forca e Ligjit ka njoftuar se iu ka dërguar formularin e deklarimit të pasurisë tre personave të dënuar për vrasje dhe trafik lëndësh narkotike në Vlorë.
Sipas OFL, shtetasit R.O banues në Vlorë, i dënuar për veprën penale “Vrasja me paramendim”, e mbetur në tentativë, E.B, banues në Vlorë, i dënuar për veprat penale “Prodhimi dhe shitja e narkotikëve” dhe “Grupi i strukturuar kriminal” dhe A.B, banues në Vlorë, i dënuar për veprën penale “Prodhimi dhe shitja e narkotikëve”, i është kërkuar deklarimi i pasurisë.
Këta persona duhet t’u përgjigjen me shkrim, brenda 48 orësh, të gjitha pyetjeve të OFL-së dhe më pas, përgjigjet e marra do t’i dërgohen SPAK-ut, për veprime të mëtejshme.
