Në Greqi, hetimet janë në proces për të përcaktuar shkaqet e vdekjes së një vajze 16-vjeçare shqiptare, trupi i së cilës u gjet në oborrin e kishës së Profetit Elias në Trikalla.
Policia po kontrollon celularin e vajzës, për të hedhur më shumë dritë mbi ngjarjen.
Mediat greke shkruajnë se lidhur me ngjarjen është kërkuar dëshmia e një personi me uniformë, i cili ka pasur mesazhe të shumta me vajzën dhe ndoshta një takim para se ajo të gjendej e vdekur.
Thelbi i çështjes thuhet se është deklarata-dëshmi e motrës së vajzës, e cila foli për një takim në mesnatë të 16-vjeçares me oficerin 26-vjeçar të Policisë, të cilin ajo e kishte njohur së fundmi.
Sipas informacionit, pas takimit të tyre, i riu me uniformë u kthye në Athinë, ku dyshohet se punon.
Në fakt, motra e vajzës adoleshente, tha që 16-vjeçarja e mori në telefon dy orë më vonë dhe po qante, dukej qartë e shqetësuar nga ndonjë zhvillim.
E vetmja gjë që dalluan oficerët e Policisë që ndërmorën hetimin për sjelljen e 16-vjeçares ishte një frikë e tepruar për reagimin e të afërmve të saj, sepse ajo ishte vonë për t’u kthyer në shtëpi mbrëmjeve, ndërsa, sipas informacioneve, vajza kishte qënë paksa “konfuze” kohët e fundit.
Vihet re se 16-vjeçarja, sipas informacionit, ishte larguar nga shtëpia e saj rreth orës 3:00 të natës, duke gdhirë e mërkura, pa e kuptuar familja e saj, ndërsa trupi i saj u gjet rreth orës 7:00 të mëngjesit.
Vlerësimet e ekzaminuesit mjekësor dhe indikacionet e para, çojnë në versionin e vetëvrasjes, megjithatë, familja e 16-vjeçarit flet hapur për vrasjen.
Babai i 16-vjeçares tregoi çatinë nga ku, sipas policisë, fëmija i tij ra. Sipas asaj që ai thotë, është e pakonceptueshme që vajza arriti të ngjitej atje. “Ata e vranë atë, lulja më iku …”, tha ai me lot në sy para kamerës..
Motra e saj binjake ishte personi i fundit që i foli asaj. Ajo tregoi: “Ata dolën për herë të parë dje. Ai ishte shumë më i madh se ajo. Ai ishtë 27 vjeç. U shqetësova. Telefonova policinë dhe u thashë që nuk po e bënin këtë dhe se duhet ta kërkonin. “Fajtori duhet të gjendet”, tha ajo.
“Drejtësi për të gjetur vrasësin, se vogëlushja jonë është vrarë”, tha edhe xhaxhai i saj.
DENONCO