Tirana është e interesuar për shërbimet e portierit të Prishtinës, Visar Bekaj. Këtë e ka konfirmuar drejtori sportiv i Prishtinës, Granit Begolli, në një intervistë për mediat kosovare.
Gjithsesi mes palëve ende nuk është arritur akordi ndërsa më shumë do të mësohet në ditët në vijim.
“Po është e vërtetë, ka patur interesim nga klubi i Tiranës për Bekajn. Nëse dikush paguan çmimin që klubi e kërkon, atëherë Bekaj është i lirë të largohet nga Prishtina”, mësohet të jetë shprehur Begolli, duke lënë të kuptohet se gardiani do largohet këtë verë dhe Tirana është kandidati kryesor për të fituar shërbimet e Bekajt.
