Çfarë po ndodh? Hakerat vjedhin profilet e miliarderëve në Twitter

Miliarderët Elon Musk, Jeff Bezos dhe Bill Gate dhe shumë figura të tjera të njohura të SHBA-ve  janë vënë në shënjestër nga hakerat në Twitter.

Çfarë ka ndodhur? Vidhen Twitter-at e vipave

Llogaritë zyrtare të tyre, së bashku me ato të ish-presidentit Barack Obama, Joe Biden dhe Kanye West u vodhën dhe në to u bënë disa postime të ngjashme në lidhje me sigurimin e monedhave dixhitale Bitcoin.

Twitter tha se ishte një sulm “i koordinuar” që synonte punonjësit e tij “me qasje në sistemet dhe mjetet e brendshme”.

“Ne e dimë se hakerat kanë përdorur këtë qasje për të marrë kontrollin e shumë llogarive në emër të tyre”, tha kompania në një seri postimesh.

LEXO EDHE  "Punoj 12 orë në ditë"/ Fituesi i “Big Brother” debaton me profesor Dragotin: Jo të gjithë kanë fatin e fëmijëve tuaj

Ajo shtoi se “hapa të rëndësishëm” u morën për të kufizuar qasjen në sisteme dhe mjete të tilla të brendshme, ndërsa hetimi i kompanisë po vijon.

Në rastin e miliarderit të Tesla-s, Elon Musk, në profilin e tij u shfaq një mesazh përmes të cilit kërkohej një shumë e madhe në monedhë dixhitale.

Mesazhi u hoq, por pak më vonë u shfaq një tjetër dhe më pastaj një i tretë. Duket se hakerat kanë arritur të sigurojnë deri tani më shumë se 100 mijë dollarë në monedha digjitale.