Kryeministri Edi Rama tha se koalicionet nuk do të ndalohen, por do të të funksionojnë si në çdo vend tjetër të Europës.
Duke iu përgjigjur kreut demokrat Lulzim Basha, sipas të cilit, me ndryshimet kushtetueseve dhe heqja e koalicioneve marrëveshja është hedhur në kosh, Rama tha se “nëse vërtetë ai nuk e do më marrëveshjen, të pranojë që ta heqin”.
“Nuk i kanë vënë kushte Shqipërisë të bëjnë të lumtur Lulzim Bashën dhe as të marrë pëlqimin e Lulzim Bashës për nismat që ndërmerren”, u shpreh ai.
“E kam thënë, qëllimi ynë ishte depolitizimi i menjëhershëm i komisioneve. Por falë ndihmës së zoti Johann Wadephul marrëveshja u krye dhe në dakordësi me partnerët e shpërfillem rekomandimin bazë të OSBE OHDIRIT që ishte depolitizimi i administratës zgjedhore. Unë nuk pendohem, por faktet janë të rëndësishme. Po ashtu me rëndësi është të gjykojmë mbi produktin dhe të gjykohemi për produktin dhe jo për fjalët apo mbi nivelin e pakënaqësive të një aktori politik.
Besoj që është koha që të gjithë të shikojnë faktet dhe të lënë menjë anë paragjykimet apo dezinformimin. Të shikojnë faktet se çfarë po bën Shqipëria. Shqipëri po i jep popullit të vet mundësinë të ketë më shumë zë.
Po heq koalicionet? Jo, – po krijon një kuadër ku koalicionet do të funksionojnë si çdo vend të Evropës dhe jo si një rrap pas Dushkut. Si mund të kemi një sistem ku vetëm në Tiranë të kemi 3 mijë kandidatë në Yzberisht. Dhe ata që marrin vota për nja parti ia çojnë votës partisë tjetër. Kaq po bën Shqipëria. Dhe nëse ka diçka që nuk përputhet me standardet jam i gatshëm të dëgjoj. Por nuk është standard pëlqimi apo mospëlqimi i Lulzim Bashës apo i PD.
Kërcënimi se ose si themi ne, ose kë do bëhet nami nga ana e partisë jashtëparlamentare, nuk funksionon.
Unë kam shumë respekt ndaj të gjithë partnerëve tanë. Ka momente që nuk jemi dakord dhe këto duhet ti diskutojmë”, tha Rama.
