Belgjika ka raportuar zero vdekje nga koronavirusi për herë të parë që nga muaji mars, ndërsa ishte një nga vendet me shkallën më të lartë të vdekshmërisë-Covid-19.
Ashtu si në shumë vende evropiane që u goditën rëndë nga pandemia në mars dhe prill, Belgjika tentoi të ndalojë përhapjen e virusit duke imponuar një karantinë dhe masa të cilat tashmë janë drejt lehtësimit.
Numri i përgjithshëm i viktimave të raportuara nga Instituti Kombëtar i Shëndetit publik Sciensano shkoi në 9787.
Duke qenë se Belgjika është shtëpia e 11.5 milion banorëve, kjo do të thotë se janë regjistruar 850 vdekje për 1 milion, shkalla më e lartë e vdekshmërisë në Botë përveç shtetit të vogël të San Marinos.
Dita kur u regjistrua numri më i lartë i viktimave në 24 orë ishte 12 prilli kur humbën jetën 343 persona.
E gjendur përballë situatës së verës dhe pushimeve kur qytetarët e saj pushojnë jashtë vendit, Belgjika futi një “sistem semafori” për të përcaktuar se ku mund të shkojnë udhëtarët dhe kush duhet të karantinohet pas kthimit.
