Sezoni i Kategorisë Superiore po i vjen fundi teksa deri në përfundimin e saj kanë mbetur vetëm 3 javë. Tirana pritet të shpallet kampione e vendit teksa tashmë n♪7 tre ndeshjet e fundit i duhen 6 pikë për t’u shpallur matematikisht fituesi i sezonit 2019-2020, edhe nëse Kukësi i fiton të gjitha ndeshjet.
Duke parë rezultatet pozitive të skuadrës, bordi drejtues bardheblu, përtej investimeve në rroga, që kanë prekur shifrën 700 mijë euro, ka vijuar më tej edhe me strategjinë rezultat-bonus.
Një shtysë më shumë për futbollistët për të treguar veten, aq sa deri tani janë dorëzuar plot 300 mijë euro në duart e futbollistëve. Drejtori i përgjithshëm, Arbi Laçi, i ftuar në emisionin “Pressing” në ABC News, ka pranuar gjithçka:
“A është e vërtetë se janë shpërndarë 270 milion lekë premio deri më tani?”, e pyeti moderatori Çarçani. “Unë do të thosha që janë euro. E kemi kaluar atë shifër”, ishte përgjigjia e Laçit.
Pra, 1 milionë euro deri tani, në një rrugë të suksesshme dhe drejt objektivit, por nuk do të mbyllet me kaq, pasi duke shtuar këtu edhe premiot për titullin kampion, që prekin 100 mijë eurot, atëherë shifra shkon 1.1 milionë euro.
