OFL shkon në Shkodër, i çon formularët e vetëdeklarimit 4 personave

Operacioni Forca e Ligjit i ka dërguar formuralët e vetëdeklarimit 4 qytetarëve, banues në Shkodër.

Referuar njoftimit zyrtar, 3 prej qytetarëve janë dënuar për trafik narkotikësh, ndërsa i katërti për grup të struktuar kriminal.

“Në kuadër të zbatimit të Ligjit Special për masat pasurore ndaj individëve të dënuar apo akuzuar për krim të organizuar apo krime të rënda, OFL i ka nisur kërkesat me shkrim për vetëdeklarimin e burimeve të pasurisë, shtetasve:

L. B., banues në Shkodër, i dënuar për veprat penale “Trafikimi i narkotikëve” dhe “Organizata Kriminale”;

A. N., banues në Shkodër, i dënuar në Itali për veprën penale “Trafikimi i narkotikëve”;

LEXO EDHE  Meta kthen për rishqyrtim ligjin për pronat e paluajtshme të shtetit: Krijon hapësirë për abuzime të mëdha

K. S., banues në Shkodër, i dënuar për veprën penale “Prodhimi dhe shitja e narkotikëve”;

A. B., banues në Shkodër, i dënuar për veprat penale “Grupi i strukturuar kriminal”, “Shtrëngim me anë të kanosjes ose dhunës për dhënien e pasurisë” dhe “Kryerja e veprave penale nga organizata kriminale apo grupi i strukturuar kriminal”.

Këta individë, si subjekt i Ligjit Special, duhet t’u përgjigjen me shkrim, brenda 48 orësh, të gjitha pyetjeve të OFL-së dhe më pas, përgjigjet e marra do t’i dërgohen SPAK-ut, për veprime të mëtejshme”, thuhet në njoftimin e SPAK.