VIDEO/ I vendoset lëndë plasëse banesës së 17-vjeçares në Fushë Krujë

Një sasi lënde plasëse i është vendosur një banese në periferi të Fushë-Krujës, por fatmirësisht nuk ka shpërthyer.

Bëhet fjalë për banesën e 17-vjeçares, e cila u shfrytëzua seksualisht, ndërsa policia ka arrestuar 4 persona dhe ka shpallur në kërkim dy të tjerë.

Lënda shpërthyese u zbulua nga e ëma e 17-vjeçares, e cila njoftoi policinë.

Në vendngjarje kanë shkuar forcat e policisë dhe ato xhenierë, që kanë bërë të mundur shpërthimin e kontrolluar të lëndës plasëse.

Për rastin e 17-vjeçares, një ditë me parë, u finalizua operacioni “Nikla” dhe u vunë në pranga katër persona.

Nga hetimet e kryera ka rezultuar se të arrestuarit në bashkëpunim me njëri-tjetrin prodhonin dhe shisnin lëndë narkotike.

LEXO EDHE  Situata në Kakavijë/ Pas 72 orësh, FA dërgojnë një automjet me 10 mijë litra ujë

Madje ata kanë kanë nxitur për përdorimin e drogës edhe 17-vjeçaren, të cilës sot tentuan t’i shpërthenin banesën dhe e kanë shfrytëzuar seksualisht, raporton abcnews.

Në prangat e Policisë kanë rënë: E. C. (Ç)., 28 vjeç; F. L., 25 vjeç, i dënuar më parë për veprën penale “Prodhimi dhe shitja e narkotikëve” në Itali; L. S., 17 vjeç dhe A. Sh., 26 vjeç, të gjithë banues në Krujë.

Ndërsa në kërkim janë shpallur; A. B., 23 vjeç, i dënuar më parë për veprën penale “Drejtim i automjeteve në mënyrë të parregullt” dhe A. M., 17 vjeç, të dy banues në Krujë.