Këmbimi valutor, valutat kryesore humbin pikë ndaj Lekut

Fillimi i kësaj jave që përkon edhe me pikun e sezonit veror turistik, ka sjellë në tregun e këmbimit valutor vendas, forcimin e pozitave të lekut kundrejt monedhave të huaja kryesore.

Sipas kursit zyrtar të Bankës së Shqipërisë, euroja këmbehet sot me 124,06 lekë ose 0,04 lekë më pak se në fundjavë.

Ndërsa dollari amerikan u zhvlerësua me 0,29 lekë dhe këmbehet me 109,65 lekë.

LEXO EDHE  KPK shkarkon nga detyra gjyqtarin Hysen Saliko

Franga zvicerane dhe paundi britanik u zhvlerësuan përkatësisht me 0,54 lekë dhe 0,36 lekë dhe këmbehen në kuotat e 138,09 lekë dhe 116,09 lekë.

Gjallërimi i turizmit, që shoqërohet me prurje të valutës në treg, pritet të forcojë më tej pozitat e lekut dhe të dobësojë monedhat e huaja, për shkak të efekteve sezonale.