Ish-ministri dhe ish-deputeti socialist, Elmaz Sherifi, shkruan se në ushtrinë 1 milionëshe të Rilindjes, referuar një shprehjeje të Kryeministrit Edi Rama në 2013 që fliste për 1 mln shuplaka, ka firuar vetëfrymëzimi.
Sherifi shkruan se ushtarët memecë,në Qeveri e në Kuvendin e sajuar, flasin përçart.
“Ka humbur ndjesitë, edhe në vapën e korrikut mban mantel plumbi. Nuk funksionon Akademia Politike. Fabrika e ideve është rikthyer në magazine mbeturinash të tezave të vjetra.
Tani edhe faktori ndërkombëtar që e mbështeste, ia ka vënë “kufirin te thana”, dhe i kërkon me ultimatum miratimin e marrëveshjes së 5 qershorit të firmosur në Këshillin Politik, nga ai dhe deputetët listarë. Ndërsa brenda vendit edhe shqiptarët që i dhuruan “tepsinë dhe timonin”, janë bindur se i ka mashtruar në shumicën e premtimeve”, shkruan Sherifi.
Komenti nga Elmaz Sherifi
Amanet gomerët!
Zymti e madhe ne “ushtrinë 1 milionëshe”. Ka humbur gjithçka, ka firuar vetëfrymëzimi, nuk frymëzon më asnjë ushtar. Është bërë memec, ka firuar oratoria. Ushtarët memecë, në qeveri e në Kuvendin e Sajuar, flasin përçart. Ka humbur ndjesitë, edhe në vapën e korrikut mban mantel plumbi. Nuk funksionon Akademia Politike. Fabrika e ideve është rikthyer në magazine mbeturinash të tezave të vjetra.
Procesi i njohjes u plotësua. Tani edhe faktori ndërkombëtar që e mbështeste, ia ka vënë “kufirin te thana”, dhe i kërkon me ultimatum miratimin e marrëveshjes së 5 qershorit të firmosur në Këshillin Politik, nga ai dhe deputetët listarë. Ndërsa brenda vendit edhe shqiptarët që i dhuruan “tepsinë dhe timonin”, janë bindur se i ka mashtruar në shumicën e premtimeve.
Aleatët politikë nuk pranojnë të jenë në aleancën e humbësve. Të vetmit aleatë janë deputetët listarë të PD dhe LSI, të cilët e kanë kuptuar se filozofi surelist, është më i dobët dhe më i braktisur, prandaj e shtyjnë në aventurën politike të ndryshimit të kushtetutës, që heq koalicionet parazgjedhore dhe rrit në 5 për qind hyrjen në parlament, me synimin djallëzor që i solli aty, nëse nuk fitojnë vetë asgjë, të mbyten bashkërisht në “kenetën e fekaleve”, pasi ai i garantoi, se do të “bashkëqeverisnin gjatë”!
Në këtë rrokopujë të papritur po e braktisin edhe “aleatët mediatikë”, pasi po binden, se idhulli i tyre çudibërës, “ka cof”, prandaj, sipas tyre ka mbërritur momenti që të heqë dorë përfundimisht nga fantazia e mandatit të tretë, dhe “timonin e fushatës” duhet t’ia kalojë mëkëmbësit të tij. Ata nuk janë në gjendje të përcaktojnë, se cili duhet të jetë, Erioni, Veliaj a Spiropali, por janë të bindur, se nuk duhet të jetë Rama, pasi dështimet e tij nuk frymëzojnë më, as militantët historikë.
“Kujtesat mediatike” po japin çdo ditë, me zë e figurë, se çfarë ka premtuar, e çfarë ka realizuar. Mashtrimet janë spektakolare.
Ngjarjet e papritura në Kosovë me aletat e tij e shtyjnë drejt lënies së amaneteve. Dua 800 mijë vota. Dhe si për ironi përdor me tepri një shprehje të avokatit të tij frymezues “Amanet gomerët” !
DENONCO