Ambasada amerikane në Tiranë dha qëndrimin e saj të prerë për miratimin pa ndryshime të marrëveshjes së 5 qershorit, e arritur për zgjedhoren nga Këshilli Politik me ndërmjetësim e ambasadores Yuri Kim, si dhe diplomatëve të Britanisë së Madhe, ambasadorit të BE dhe atij të Gjermanisë, i angazhuar në fundin e procesit.
Lidhur me këtë qëndrim, ka reaguar këshilltari politik gjerman, Martin Henze, i cili përmes një postimi në Twitter shkruan se “marrëveshja e 5 qershorit është legjitimuar nga BE dhe SHBA. Asgjë tjetër nuk pranohet.”
Ndërsa më tej shton se:
Për më tepër, ndryshimet kushtetuese nuk janë të mundura pa një gjykatë funksionale kushtetuese, pasi kjo do të ishte një shkelje e parimit të ndarjes së pushteteve, me ligjin që ka përparësi ndaj politikës, dhe për këtë arsye antikushtetues dhe i pavlefshëm.
