Kryetari i Partisë Demokratike, Lulzim Basha deklaroi këtë të premte në një konference për mediat, se i ka ardhur një ofertë nga kryeministri Edi Rama. Kryedemokrati tha se për dy muaj me radhë i ka dërguar ndërmjetës për të finalizuar “një Pazar”: Basha kryeministër, Rama President.
Lidhur me deklaratat, reagoi kryeministri Rama.
“Sa për koalicionin me SHPK e LSI siç e quan LB, as e ndalon hapja e listave që ta bëjë, as e detyroj dot unë që ta zhbëjë! Prandaj Lul merre me qetësi këtë proces ku more gjithë çfarë deshe, e lëri sharjet e kërcënimet, sepse koha e ka treguar që të çojnë vetëm nga humbja në humbje”, shkruan Rama në një postim në Twitter.
“Listat e hapura do fuskan kriminelët në parlament sipas LB e unë dashkam të bëhem President me LB kryeministër, se paskam frikë nga humbja. Në fakt jo, unë e di popullin më të mençur se veten prandaj dua të hapen listat, e s’e bëj dot Lulin KM se s’jam Populli që e vendos këtë”, shtoi ai.
Lexo edhe:
Basha zbulon propozimin e fshehtë: Ja çfarë më ofroi Edi Rama
