Shënime të tjera të shkruara nga tre anëtaret e familjes Josifi që sollën horrorin në Kombinat kanë dalë në dritë.
Në studion e emisionit “Opinion”, mbi monitor gazetari Blendi Fevziu lexoi të tjera shënime që janë gjetur në ditaret e familjes Josifi.
“Unë kam pritur me durim dhe ngulm Zotin dhe ai u përkull mbi mua,”- shihet e shkruar në një prej tyre.
Ndërkohë që ajo që bie në sy është edhe fakti se disa cepa letrash janë të djegura.
“Paska dhe numra telefoni këtu,”– thotë Fevziu në momentin që shfaqet një tjetër shënim, mbi faqen e të cilit është shënuar dhe një numër celulari.
Ngjarja e rëndë u zbulua mbrëmjen e 2 korrikut dhe tronditi opinionin publik. Në pallatin parafabrikat mbrapa ish-Mapos rruga “Hamdi Cenoimeri”, dy trupat e vdekur të dy grave kanë “bashkëjetuan” për muaj me me banorët e lagjes. Zhaneta Josifi, 56 vjeçe dhe Anisa Josifi 30 vjeçe, u gjetën të vdekura në banesë, ndërsa në gjendje të rëndë ishte edhe vajza tjetër e Zhanetës, Blerta Josifi 34-vjeçe.
Kjo e fundit bashkë me nënën e saj kishin mbajtur në banesë trupin e pajetë të Anisës, të cilin e lyenin me vaj e uthur që të mos binte erë. Në banesën e tyre të thjeshtë në këtë lagje të Tiranës, policia gjeti shënime fetare, ku u mësua se nëna dhe dy vajzat kanë qenë praktikante të sektit të njohur si “Dëshmitarët e Jehovait”. Blerta që prej 2 korrikut, ndodhet e shtruar në spitalin Psikiatrik të Tiranës.
