Ralf Ragnick është pranë emërimit si trajneri i ri i Milanit. Tekniku gjerman i ka kërkuar klubit kuqezi që të ketë dorë të lirë në skuadër dhe të luajë edhe rolin e drejtorit sportiv, diçka që duket se është pranuar nga ana e klubit.
Vitet e fundit skuadra e Milanit, ka bërë një sforco të madhe ekonomike por në fund rezultatet kanë qenë zhgënjyese në raport me investimin. Për ta ndryshuar këtë situatë, “Djalli” do të bëjë edhe një sforco tjetër financiare.
Sipas mediave italiane, me uljen në pankinë të Ragnick por me “pushtetin” që shkon përtej stolit, tekniku gjerman do të ketë një buxhet të rëndësishëm që shkon nga 120 deri në 160 milion euro. Këto para do të shpenzohen duke nisur nga merkato e verës. Profili i lojtarëve që preferon tekniku gjerman janë të rinj dhe të talentuar.
