Efektet e shkaktuara nga coronavirusi janë ndjerë shumë në botën e futbollit dhe pasojat po bëhen më të qarta ditë pas dite.
Pandemia ka prekur Botërorin e Katarit që do të zhvillohet në vitin 2022. Efektet kanë nisur të ndihen pasi organizatorët e Kupës së Botës kanë shkurtuar vendet e punës.
Komiteti organizativ nuk e kanë komunikuar në mënyrë të drejtpërdrejtë impaktin financiar të pandemisë, por është sekretari i përgjithshëm, Hasan Al Tauadi ai që ka folur së fundmi për shqetësimet në lidhje me recesionin e afërt global.
Sponsorët e FIFA kanë reduktuar vendet e punës si pasojë e bllokimit të fluturimeve dhe ndalesës së eventeve sportive për shkak të virusit.
Numri i saktë i personave që kanë humbur punën nuk bëhet i ditur, por me 85 % të infrastrukturës së kompletuar, organizatorët e Botërorit kanë bërë me dije se intensiteti i punës duhet të ndryshojë, dhe duhen kompetenca të reja për t’i dhënë fund fazës finale të punimeve.
