Manchester City nuk kursehet ndaj Newcastle, Sheffield United gjunjëzon “ujqit”

Manchester City ka shkatërruar me rezultatin 5-0 Newcastle në javën e 34-të të Premier League dhe është kthyer te fitorja pas humbjes befasuese 1-0 të pësuar kundër Southamtpon tri ditë më parë.

Gabriel Jesus (10′), Mahrez (21′), Fernandez (58′, aut.), Silva (65′) dhe Sterling (91′) kanë qenë autorët e golave të “Qytetarëve”, që janë bërë skuadra e parë në Premier League me pesë lojtarë të ndryshëm që kanë shënuar të paktën 10 gola në një sezon të vetëm që nga Everton në sezonin 1984-85.

David Silva (34) është bërë lojtari i parë 34 vjeç ose më i madh që shënon dhe jep një asist në një ndeshje të Premier League që nga Zlatan Ibrahimovic (35), që e ka bërë një gjë të tillë për Manchester United kundër Sunderland në prillin e 2017-ës.

LEXO EDHE  Tirana nis përgatitjet për Championsin, Egbo: Sezoni për ne fillon tani, duam grupet e kompeticioneve evropiane

Në ndeshjet e tjera, Sheffield United ka mposhtur me rezultatin 1-0 Wolverhampton duke arritur momentalisht playoff-in për një kualifikim në Europa League. Burnley ka triumfuar 0-1 në transfertë kundër West Ham, një rezultat ky i rrezikshëm për miqtë pasi tashmë mund të vënë në rrezik prezencën në Premier League për sezonin e ardhshëm.