Milani dhe Juventusi përballen mbrëmjen e sotme në orën 21:45 në ndeshjen e vlefshme për javën e 31-të të Serie A.
Diferencat në klasifikim janë të mëdha por në fushë është një tjetër dhe këtë e tregoi edhe gjysmëfinalja e kthimit në Kupën e Italisë e zhvilluar pas pandemisë ku Milani arriti të rrëmbente një barazim edhe pse luajti me 10 lojtarë për më shumë se 70 minuta.
Kuqezinjtë e Piolit të cilët vinë në këtë sfidë pas suksesit bindës ndaj Lazios në fundjavë, do të kërkojnë një tjetër rezultat pozitiv pasi synojnë të parakalojnë Romën në renditje për të shkuar në Europa League nga dera kryesore ajo e grupeve. Milani sot nëse ndal Juven mund t’i bëjë një nder kampionatit pasi mund ta rihapë atë gjithmonë nëse Lazio fiton në transfertën e orës 19:30 ndaj Lecces.
Ky duel mund të jetë edhe përballja e fundit mes dy legjendave të futbollit modern Zlatan Ibrahimovic dhe Cristiano Ronaldos, kjo për vetë faktin pasi vështirë se gjigandi suedez do të rinovojë me Milanin edhe për sezonin e ardhshëm.
Formacionet e mundshme:
Ac Milan: Donnarumma; Conti, Kjaer, Romagnoli, Hernandez; Kessie, Bennacer; Saelemaekers, Bonaventura, Calhanoglu; Ibrahimovic
Juventus: Szczesny; Cuadrado, Bonucci, Rugani, Danilo; Pjanic, Rabiot, Bentancur; Bernardeschi, Higuain, Ronaldo