Ndryshon orari i ndeshjeve të Superiores, ja programi për javën e 32-të

Java e 32-të e Kategorisë Superiore do të zhvillohet përgjatë ditës së diel dhe të hënë në orare të ndryshme, ngase ishim mësuar që pas rifillimit të futbollit.

Kështu gjithçka do të startojë nesër në orën 17:45, kur Laçi do të presë Flamurtarin e rënë tashmë në Kategorinë e Parë. Po në të njëjtën orë, një tjetër skuadër që ka rënë një kategori më poshtë, Luftëtari, do të presë në Gjirokastër Vllazninë e Hysen Dedjas.

Ndërkohë ditën e hënë do të luhen tre takime të cilat janë ndeshje finale në vetvete. Në orën 17:45, Tirana përballet me Kukësin, një ndeshje që do të vendosë njëherë e mirë luftën për titullin, e cila po bëhet mes këtyre dy ekipeve, ndonëse bardheblutë janë të shkëputur në krye të renditjes.

LEXO EDHE  Laçi përforcon mbrojtjen, nënshkruan me ish-lojtarin e Partizanit dhe Kukësit

Në po të njëjtën orë, Bylisi pret në shtëpi Partizanin, në një ndeshje që pritet të jetë e luftuar nga të dyja skuadrat , ashtu siç kanë qenë edhe sfidat mes këtyre dy skuadrave gjatë sezonit.

Në mbrëmje, ora 20:45 vëmendja do të spostohet në “Niko Dovana” të Durrësit, ku Teuta do të presë Skënderbeun.

E diel
Ora 17:45, Luftëtari-Vllaznia
Ora 17:45, Laçi-Flamurtari

E hënë
Ora 17:45, Tirana-Kukësi
Ora 17:45, Bylisi-Partizani
Ora 20:45, Teuta-Skënderbeu