Një 34-vjeçar është vënë pranga nga policia mëngjesin e sotëm (4 korrik).
Shtetasi Alvaro Jashari ishte shpallur në kërkim pasi më 30 qershor kishte plagosur 28-vjeçarin Enri Isai në Shijak për motive të dobëta.
Jashari ishte dënuar më parë për veprën penale ”Vjedhja me dhunë”.
“Në kuadër të operacionit, i cili u zhvillua në kushte të larta sigurie pasi personi paraqiste rrezikshmëri shoqërore, u bë e mundur që në orët e para të mëngjesit të sotëm, në Shijak, në harkun kohor prej katër minutash, nga shërbimet e Policisë të kapej dhe të vihej në pranga shtetasi: A. J., 34 vjeç, banues në Shijak, i dënuar më parë për veprën penale “Vjedhja me dhunë”, thuhet në njoftimin e policisë.
Operacioni u finalizua nga forcat operacionale të DVP Durrës, në bashkëpunim me Policinë e Shijakut.
Materialet i kaluan Prokurorisë së Rrethit Gjyqësor Durrës, për veprat penale “Plagosja e rëndë me dashje” dhe “Armëmbajtja pa leje”, për të cilën Kodi Penal parashikon dënimin me burgim deri në 7 vjet, njoftoi policia.
