Juve-Barça vazhdojnë bashkëpunimin, bardhezinjtë synojnë Griezmann në këmbim të dy yjeve

E ardhmja Antoine Griezmann shihet larg Barcelonës dhe arsyeja kryesore është se marrëdhënia e tij me Messin vazhdon të përkeqësohet.

Përshtatja e francezit në ekip ishte parashikuar e vështirë për vetë faktin se ai dhe Messi luajnë në një pozicion shumë të ngjashëm ndërsa përgjatë sezonit dyshimet janë konfirmuar.

Tashmë “RAI Sport” raporton se Barcelona dhe Juventusi kanë diskutuar për transferimin e sulmuesit drejt Torinos që gjatë kësaj vere.

LEXO EDHE  "Final Eight” në Champions, Atalanta kundër PSG/ Formacionet e mundshme

Gjatë bisedimeve për shkëmbimin mes Pjaniç dhe Artur, në skenë ka dale edhe emri i francezit dhe ka që tani një ide se si mund të kryhet pa shumë shpenzime nga të dy klubet. Barcelona është gati të heqë dorë nga francezi nëse torinezët u japin si shkëmbim Adrien Rabio, Dougla Costa si dhe një shumë parash.