Irfan Azizi, i njohur me nofkën “Fania”, po përdor frikën për jetën si argument për të bllokuar ekstradimin e tij nga Britania e Madhe.
Gjatë seancës gjyqësore, Azizi pretendoi se kthimi në Shqipëri do të ishte fatal për të, duke deklaruar se i rrezikohet jeta nga një atentat i mundshëm nga Talo Çela.
Sipas dëshmisë së tij, në vitin 2020 ai i shpëtoi për pak një atentati, ku u qëllua rreth 30 herë me armë automatike. “Një plumb më shkatërroi dorën në 13 vende”, deklaroi ai para gjykatës britanike.
Azizi ka dëshmuar se grupi pas sulmit zotëron rrjetin e tij, të afta për të goditur deri në nivelet më të larta. Sipas tij, rreziku është i pashmangshëm pasi sipas tij, ky grup vepron pa paralajmëruar.
Prokuroria britanike vuri në dyshim pretendimet e tij, duke theksuar se gjatë pesë viteve në Angli nuk ka pasur asnjë kërcënim konkret ndaj tij apo familjes.
Seanca për ekstradimin vijon, ndërsa vendimi pritet të përcaktojë nëse “Fania” do të rikthehet në Shqipëri për t’u përballur me drejtësinë apo do të mbetet në Britani nën statusin e azilkërkuesit.
