Një biznesmen, një edukatore kopshti dhe një banore e fshatit Kosinë, rezultojnë 3 të infektuarit e rradhës nga koronavirusi në Përmet.
Biznesmeni dyshohet se është prekur ditët e fundit kur ka qenë në Tiranë dhe më pas ka udhëtuar drejt familjes së tij në Përmet.
Nga hetimi epidemiologjik i 24 orëve të fundit ka rezultuar se edhe një edukatore kopshti ka rezultuar pozitive, ndërsa kopshti është mbyllur.
Rasti i gruas nga fshati Kosinë i Përmetit, dyshohet se është marrë gjatë kohës kur ajo ka qenë në plazh në Himarë.
Të tre të prekurit me koronavirus janë izoluar në ambientet e banesave të tyre, pasi momentalisht gjendja e tyre paraqitet e mirë, ndërkohë që përgjigja pozitive të të tre të prekurve me Covid-19, ka vënë në lëvizje Policinë e Përmetit dhe NJVKSH për të gjurmuar kontaktet e të tre të prekurve.
Në Përmet rezultojnë të prekur nga koronavirusi 4 persona. Rasti i parë u shfaq dy javë më parë, ku pozitiv rezultoi një prej muzikantëve të qytetit.
