Kryeparlamentari Gramoz Ruçi u detyrua të ndërpresë seancën dy herë brenda më pak se 10 minutash, pasi deputetë të asaj që njihen si “parlamentarja” u ngritën në foltore dhe nuk pranuan në ulen.
Gjithçka ndodhi pasi Ruçi nuk i dha fjalën deputetit Myslym Murrizi, i cili tentoi të reagonte pas fjalimit të Kryeministrit Edi Rama mbi reformën zgjedhore.
Ruçi i tha Murrizit se mund të merrte fjalën kur ti vinte rradha dhe u detyrua të ndërpresë seancën për 5 minuta.
Me rinisjen e saj ishte deputeti Halit Valteri që kërkoi fjalën dhe nuk pranoi të ulej.
“Mos bëj si i fortë, nuk më bën dot presion mua. Ulu poshtë se do përjashtohesh nga seanca”, iu drejtua Ruçi, Valterit, duke ndërprerë sërisht punimet e seancës.
