30 vjet nga 2 korriku ´90, Meta: Të përmbushim sa më parë kushtet për nisjen e negociatave me BE

Presidenti Ilir Meta ka kujtuar 2 korrikun 1990, ditën kur qindra shqiptarë thyen frikën dhe hynë në ambasada.

Meta ka postuar në rrjetin social një foto të asaj kohe, e cila është shkrepur brenda ambasadës Gjermane ku rreth 3200 shqiptarë nisën një jetë të re.

Meta shkruan se 30 vjet më pas në emër të sakrificave të shqiptarëve duhet të përmbushim sa më parë kushtet që të nisim negociatat e anëtarësimit me BE gjatë presidencës gjermane.

Postimi nga Meta:

Kjo foto është shkrepur 30 vjet më parë brenda Ambasadës gjermane në Tiranë, ku rreth 3200 shqiptarë nisën një jetë të re në liri. Hapja e dyerve të Ambasadës gjermane goditi në zemër diktaturën më të egër në Europë.

LEXO EDHE  Parashikimi i motit/ Ja çfarë ndodh me kohën ditën e diel, 9 Gusht 2020

30 vite më pas, në emër të këtyre sakrificave të jashtëzakonshme njerëzore duhet të përmbushim sa më parë të gjitha kushtet, që të nisim negociatat e anëtarësimit me BE gjatë Presidencës gjermane.

Presidenca gjermane e BE është një mundësi e shkëlqyer, dhe një sprovë e vërtetë për çdokënd që për Shqipërinë Europiane jo vetëm flet por edhe punon.

Mirënjohje të gjithë shqiptarëve që me guximin e tyre 30 vite më parë i dhanë Shqipërisë një drejtim të ri. Koha për të përmbushur ëndrrën e çdo qytetari: Shqipëria si gjithë Europa.

Koha për kthimin e shqiptarëve në vendin e tyre.